Sa panahon ng matinding init, mahirap iwasan ang paggamit ng air conditioner. Gayunpaman, hindi maikakaila na ang pagtakbo nito ay nagdudulot ng pagtaas sa ating electric bill. Sa artikulong ito, magbibigay kami ng ilang simpleng tips upang makatipid sa kuryente habang patuloy na nakikinabang sa malamig na hangin mula sa inyong air conditioner.
Maaring basahin din ito: Beginner’s Guide to Solar Lighting for Home
Narito ang 8 Tips kung Paano Makatipid sa Kuryente sa Paggamit ng Air Conditioner
1. Limitahan ang Paggamit ng Air Conditioner
Isa sa pinakasimpleng paraan upang makatipid ay ang pagbawas ng oras ng paggamit ng air conditioner. Kung maayos na mapaplanong ang oras ng pag-andar nito, maaaring makatipid kayo ng P400 hanggang P500 kada araw sa pamamagitan lamang ng pagliit ng operasyon nito ng 2 hanggang 3 oras.
2. Gumamit ng Electric Fan sa mga Cool Hours
Sa mga pagkakataong hindi naman sobrang init, lalo na sa hapon o gabi, subukan ang paggamit ng electric fan. Buksan ang mga bintana upang makapasok ang sariwang hangin. Ang setting ng termostat ng air conditioner ay mainam na itakda sa pagitan ng 21°C at 23°C upang mapanatili ang magandang balanse ng temperatura at makatipid ng kuryente.
Maaringg basahin din ito: Eco-Friendly Laundry Tips for Small Households
3. Gamitin ang Timer ng Air Conditioner
Kung ang iyong air conditioner ay may timer, siguraduhing gamitin ito. Itakda ang oras na nais mong mag-off ito. Ang ilang mga modelo ay may feature na awtomatikong nagpapagana ng electric fan kapag nag-off ang air conditioner, na nagiging dahilan ng mas mababang konsumo ng kuryente.
4. Selyohan ang mga Butas at Gumamit ng Kurtina
Siguraduhing walang mga siwang o butas ang kwarto na maaaring pagpasukan ng init mula sa labas. Makakatulong din ang paggamit ng makapal na kurtina, lalo na kung maraming salamin ang kwarto, upang mapigilan ang pagtaas ng temperatura sa loob.
5. Regular na Linisin ang Air Conditioner
Ang regular na paglilinis ng screen filter ng inyong air conditioner ay mahalaga upang mapanatili ang magandang performance nito. Isang malinis na filter ay mas epektibong nakakabuga ng malamig na hangin at nakakatulong sa mas mababang konsumo ng enerhiya.
Maaring basahin din po ito: How to Maximize Washing Machine Efficiency at Home
6. Tamang Pagpili ng Air Conditioner
Kung balak mong bumili ng bagong air conditioner, siguraduhing piliin ang tamang modelo at laki na naaayon sa sukat ng kwarto o bahay. Ang tamang laki ay mahalaga upang mas epektibong makapagbigay ng malamig na hangin.
7. Pumili ng Energy-Efficient Models
Maghanap ng air conditioner na may mataas na energy efficiency rating. Ang mga modelong ito ay karaniwang mas mababa ang konsumo ng kuryente kumpara sa mga traditional na air conditioner. Kumonsulta sa mga eksperto upang matiyak na ang iyong bibilhin ay nakakatugon sa mga pamantayang ito.
8. Alamin ang Iyong Konsumo ng Kuryente
Makakatulong din kung alam mo kung gaano kalakas ang iyong konsumo sa kuryente. Maging pamilyar sa pagbabasa ng metro ng kuryente para masubaybayan ang iyong paggamit. Isulat ang mga numero mula kanan pakaliwa at suriin ang iyong paggamit sa araw-araw.
Maaring basahin din po ito: 8 Smart Appliances That Can Help You Lower Your Electric Bill
Sa pamamagitan ng mga simpleng hakbang na ito, maaari mong mapanatiling malamig ang iyong tahanan sa tulong ng air conditioner habang sabay na nagtitipid sa iyong electric bill.
